Gin mung’eyire

Ni ay con ung’eyire i Ituri nia kan Mahagi ucungo ungo iwi lembe muneno telo pacu mwa, lembe woto ngo atira, kuno ke pio !

Etie ungo nia wasagu wedi mwa ku rieko kuno ke ku tego.  Lembe manda utie nia wasagu wedi mwa nini ku wel, ku tic mawatimo, ku atiralembe i tic mwa, man ku wel dhanu muketo par migi ilembe muneno cidho kuwang’e mi ng’om mwa.

Ni ai ma judong’o mwa dhupa uweko gamba, pi tho kuno ke oro mucidho le, awobi ubelubo wang’ayo mange.  Gi tie dhupa ilembe mitelo ng’om mwa, ento, wig’i wil Mahagi en ang’o !  Wut umego : Mahagi no, re en ang’o, manda ne ?

Dhanu dhupa ma woko mi territoire mwa ungeyo ungo nia Mahagi en etiye gin ma dwong’.  Mahagi gung’ weco dhu alur, pilembe alur ubimo ku wel, ma pilembe dh’u alur utie yot ni ponjo, man bende pilembe alur umaru niweco dhu tugi i kind gi, man ku wedi migi mi Mahagi : lendu, ndo, ukebo, magungu.  Ka be nia mwa gomo dhanu mange sakasa ungo, alur ugomo mon mi ng’o ngung’ !  Gin mu nyutho nia watie wamaru ng’om mange kuno ke mukenbe bende, ka be nia wamaur kura mwa nisagu kura mi dhanu mange.

Kongo zo neno mundu calu ubimo migi.  Kuro mndu re mubin ni yiko ng’om mwa.  Alur man pende kende m’umbe ku paru kuno ke kura mi neno mundu calu ubimo kuno rwodi kuno dhanu mabibodho wa.  Pilembe, wa ng’eyo ni ay con, iwang lipanda, nia ng’om mwa mi Mahagi, ng’ati muyike utie mahagien en gire !  Eyo, mundu ugomo man utie kuparu migomo piny dhupa ignom mwa, pilembe gigneyo nia watie jurutic manzilo i Kongo no, man ging’eyo bende nia wec mwa naka woto atira !

2016 ni wang’wa.  Dhanu uberingo ng’om zo calu mawaneno.  Alur ringo ungo !  Pilembe ang’eyo nia tego mwa ni i territoire mwa no.  Ci re, umito wayab wang’wa cu !  Ng’a mutelo dho wec mwa tin eni ?  Dh’u lembe ne utelire nenedi man ke ku ng’a ?  Lembe ne utero wa yo kane ?  Awobi ulubo wang’ayo ne cu ?  Judongo mwa mubetho, ng’a mulubo tok’ gi ?  Urwo no, jubiwondo wa kendo ?  E dho lembe ma wabeko icing’ anya no, bicidho nenedi ?

Wut umego : Mahagi no, re en ang’o, manda ne ?  Ukenen Kongo zo !  Rwodi mwa mi Mahagi gi tio calu rwodhi mi kabila mange ?  Demokrasia i Kongo no, bi ay kane kan ibang’wa ungo ?  Pirang’o ke awobi mwa mange umito nia wadok bong’ mi dhanu mukung’eyo demokasia ungo ikura migi ?  Wedi mwa ube i pi maku kabedo i Kinshasa.  Wan, nyitindo mi Mahagi, waparu ang’o ?  Wayiyo ni bedo bong’ kendo mi dhanu macopo woro wa ungo ento mumito wabed nja bong’ mingi ?

Wut umego : Mahagi no, re en ang’o, manda ne ?  Ung’eyo ng’ati acel i Mahagi mu ng’ewo diploma pare ?  Pir’ ango dhanu mukende umito watim tic ku dhanu ma rieko migi copo nen ungo i tic migi ?  Wang’ dhupa, i Ituri, juparu nia mito mwa, nyitind Mahagi, utie ni bimo dhanu mange.  Va uyero ni alur uwek igi kabedo dhanu ne…  Gin gigi gidwogo ni yenyo wa pitelo wi lembe kam’ waweko igi…  Unytho ang’o…  Tic mwa unen, man uyiyire !  Edong’, tin eni, wabi timo ang’o kara « bimo » mwa ne UYIYIRE asu ?

Wut umego : Mahagi no, re en ang’o, manda ne ?  Lonyo mwa, or, petrol, silice, mercure, diamant ku gin dhupa mange, judaru lembe ing’om mange, kare ma nyitindo mwa cidho ungo.  Jusomo pire iteng ng’om mange.
http://divangues.vefblog.net/7.html
http://fr.allafrica.com/search/?search_string=Mahagi&search-submit=Recherche
http://fr.allafrica.com/stories/201305200507.html
http://fr.allafrica.com/stories/201305090366.html
http://fr.allafrica.com/stories/201305090337.html
http://fr.allafrica.com/stories/201305040192.html
http://fr.allafrica.com/stories/201305301226.html
https://www.google.be/webhp?sourceid=chrome-instant&ion=1&espv=2&ie=UTF-8#q=universit%C3%A9%20and%20congo%20and%20p%C3%A9trochimie
Urwo, wabi ywak ku nying’ ng’a ?

Laisser un commentaire

Choisissez une méthode de connexion pour poster votre commentaire:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s